Трамп Сурия туфайли Россияга нисбатан янги санкциялар қўллаш ҳақида ўйламоқда

Жаҳон 09 Апрель 2017 16619

АҚШ президенти Дональд Трамп Сурияни қўллаб-қувватлаётган Россия ва Эронга қарши янги санкциялар қўллаш имкониятларини кўриб чиқмоқда. Бу ҳақда АҚШнинг БМТдаги доимий вакили Никки Ҳейли маълум қилган.

«Биз (АҚШ президенти маъмурияти — таҳр.) бу масалани муҳокама қилишни бошладик», — деган Ҳейли хоним CNN телеканали учун берган интервьюси вақтида.

Ундан «президент Россия ва Эронга янги санкциялар қўллашни истайдими?», дея сўрашганди. 

Ҳейли хоним шунингдек АҚШда Башар Асад ҳукумати Идлибда кимёвий қурол қўллагани ҳақида далил бор ёки йўқлиги хусусидаги саволга жавоб қайтарган. 

«Бизга далилларни кўрсатишди. Президент далилларни кўрди. Бу махфий маълумотлар. Мен ишонаманки, агар зарурат туғилса, бу махфий маълумотлар ошкор этилади», дея жавоб қайтарган дипломат. 

Унинг сўзларига кўра, МРБ директори Майк Помпео халқаро ҳамкорлар орқали олинган маълумотларга эга.

Москва ва Вашингтон муносабатларида навбатдаги таранглик 4 апрель куни Суриянинг Идлиб вилоятида кимёвий қурол қўллангани ҳақидаги хабарлар ортидан юзага келди. Сурия мухолифати ушбу ҳужум Сурия ҳукумати томонидан амалга оширилиб, 80 кишининг ўлими ва юзлаб кишиларнинг заҳарланишига олиб келгани ҳақида айтди.

АҚШ ва Ғарбнинг бошқа мамлакатлари ҳам бу ҳужум учун айбни Башар Асад ҳукуматига юклади.

7 апрель куни АҚШ Қуролли кучлари Суриянинг Шайрат аэродромига «Томагавк» русумли қанотли ракеталарини йўллади. 

Москва томони ушбу ҳужумни «тажовуз акти» дея баҳолади ва АҚШ билан Сурияда кўзда тутилмаган ҳолатларнинг олдини олиш ҳақидаги меморандум амалда бўлишини тўхтатди.

Бундан олдинроқ инглиз нашрларида АҚШ Давлат котиби Рекс Тиллерсон Москвага ташрифи вақтида Россиядан Сурияни қўллаб-қувватлашни тўхтатишни талаб этиши ҳақида ёзилганди.

«Трамп Суриядаги аэродромга зарба билан чекланмайди»

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 56763 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 5718 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 113953 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 11127 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21265 Ўзбекистон
Фото: Тошкентда йўл-патруль хизмати мотогуруҳи тузилди
Tesla компаниясининг энг арзон модели Model 3 ҳақидаги асосий фактлар
Абдулазиз Комилов бошчилигидаги делегация Ҳиндистонга боради
Ҳаракатлар зое кетмади, аммо Аллоҳнинг тақдири экан...
12:10 5507 Жамият
Чипта баҳона 9 миллион сўмни «ухлатган» фирибгар қўлга олинди
12:00 1221 Жамият
Кўпроқ янгиликлар