«Бўлиши мумкин эмас» — Дорилар топилмаётгани ва конвертация қилинмаётгани рад этилди

Ўзбекистон 21 Апрель 2017 21783

Бугун, 21 апрель куни «Тараққиёт стратегияси» марказида қатор вазирлар ўринбосарлари билан «Ҳаракатлар сарҳисоби: 2017 йил 1 чорак» номи остида матбуот анжумани ташкил этилди.

Унда Олий Мажлис Сенати раиси ўринбосари Светлана Ортиқова, Олий Мажлис қонунчилик палатаси спикери ўринбосари Сарвар Отамуродов, «Тараққиёт стратегияси» маркази ижрочи директори Акмал Бурхонов, Ташқи ишлар вазири биринчи ўринбосари Жавлон Ваҳобов, Соғлиқни сақлаш вазири ўринбосари Эльмира Боситхонова, ФВВ раҳбари ўринбосари Комилжон Орипов, ИИВ раҳбари биринчи ўринбосари Илҳом Турғунов, Марказий банк раиси ўринбосари Шоҳрух Шоаҳмедов, Олий суд раиси ўринбосари Қўчқор Тоғаев, Пенсия жамғармаси ижрочи директори ўринбосари Маҳмуд Зиёдуллаев, Адвокатлар уюшмаси раиси Равшан Аҳмедов, Адлия вазирлиги бошқармаси бошлиғи Даврон Қаландаров, Иқтисодиёт вазирлиги бошқармаси бошлиғи Феруз Раҳматов ва Рақобатни ривожлантириш давлат қўмитаси бошқармаси бошлиғи Улуғбек Камолиддинов журналистларнинг саволларига жавоб қайтаришди.

Анжуманда «Кун.uz» мухбирлари ҳам иштирок этишди ва ўз саволларини беришди.

Саволлардан бири сайт таҳририятига келиб тушган мурожаат асосида берилган. Тегишли раҳбарлардан Ўзбекистонда кузатилаётган дори етишмовчилигига изоҳ сўралган. Хусусан, қандли диабет хасталигига чалинган бемор учун инсулин дорисини топиш муаммо бўлаётгани келтириб ўтилган. Унга кўра, дорихоналардан бирида дори тугаб қолганига «январь ойидан бери банкдан пул конвертация қилиб берилмаётгани, буюртма берилгани, лекин пулини тўлай олишмаётгани, конвертация очилса ҳам бир ойда аптекага етиб келиши» ҳақида айтилиб, жавоб қайтарилган.

Ўзбекистонда импорт маҳсулотлари учун конвертация ёпилгани ростми? 

Вазир ўринбосарларига юзланган мухбир унгача Ўзбекистондаги касаллар нима қилиши кераклиги ҳақида сўраган.

«Барча эндрокринологик хизматларни амалга оширадиган клиникаларда қандли диабетга тааллуқли барча дорилар бор. Бундай ҳолатларни алоҳида ҳолат бўлгани учун алоҳида шуғулланишимиз мумкин. Мамлакатимизда бугунги кунда қандли диабет билан касалланган барча беморларга дорилар етиши шарт», деган Соғлиқни сақлаш вазири ўринбосари Боситхонова.

Конвертация масаласидаги саволга банк вакили жавоб қайтарган. 

«Дори воситаларини конвертация қилиш бўйича мунтазам равишда иш олиб борилмоқда. Республикадаги фармакологик корхоналар томонидан конвертацияга оид берилаётган буюртмалар мунтазам равишда ойма-ой конвертация қилиб келинмоқда. Соғлиқни сақлаш вазирлиги томонидан биринчи даражадаги дорилар ва конвертация қилиниши лозим бўлган дорилар рўйхати тақдим этилган. Бу бўйича муаммо бўлиши мумкин эмас. Сиз айтган ҳолат юзасидан қўшимча маълумотлар берилса, алоҳида шуғулланиб, ўрганиб чиқишимиз мумкин», деган Марказий банк раиси ўринбосари Шоҳрух Шоаҳмедов.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар