Япония денгиз мудофаа кучлари 23 апрель куни тонгида АҚШ Ҳарбий денгиз кучлари билан ҳамкорликда, «Карл Винсон» авиаташувчиси иштирокида Тинч океани ҳудудида қўшма ҳарбий ўқув машғулотлари бошлангани ҳақида эълон қилди. Бу ҳақда Япония мудофаа кучлари сайтида маълум қилинган.

«АҚШ ҳарбий-денгиз кучлари билан қўшма машғулотлар 23 апрель куни бошланди. Маневрлар ўтказиш жойи — Тинч океанининг ғарбий қисми. Унда Япония томонидан «Самидарэ» ва «Асигара» эскадралари, АҚШ томонидан эса «Карл Винсон» авиаташувчиси ва бошқа кемалар иштирок этади. Барча тактик ҳаракатлар кўриб чиқилади», — дейилган хабарда.

9 апрель куни АҚШ Австралия портларига кетаётган «Карл Винсон» атом авианосеци бошчилигидаги зарбдор гуруҳини кутилмаганда Жанубий Корея қирғоқларига йўллаганди. Бу Шимолий Корея томонидан апрель ойида ракета синовлари бошланиши ортидан рўй берганди. Гуруҳ Lake Champlain (CG-57) ракетали крейсери ва Michael Murphy (DDG-112) ва Wayne E. Meyer (DDG 108) эсминецларини ўз ичига олган.

АҚШ Шимолий Корея яқинида эсминецларини жойлаштирди