Manbaning aytishicha, Singapur yaqinidagi qismdan «Karl Vinson» aviatashuvchisi yetakchiligidagi zarbdor guruh Koreya yarim oroli tomon yo‘l olgan.
Bunday choralar AQSh Shimoliy Koreya harbiy salohiyatini oshirayotganidan tashvishda ekanligi bilan izohlanmoqda.
Vashington mintaqadagi ishtirokini kengaytirish zarur, deb hisoblayotgani bildirilgan.
Bundan oldinroq AQSh Davlat kotibi Reks Tillerson Yaponiya va Janubiy Koreyani Donald Tramp ma'muriyati Pxenyanning harbiy harakatlariga qat'iylik bilan javob qaytarishiga ishontirgandi.
CNN telekanali xabarida aytilishicha, bu guruhning yo‘llanishi shimolliklarning keyingi vaqtlarda amalga oshirayotgan ig‘voli harakatlariga javob bo‘ladi.
Qayd etilishicha, avvaliga ushbu guruh Avstraliyaga jo‘natilishi nazarda tutilgandi. Ammo yo‘nalishni o‘zgartirish ko‘rsatma qilingan. Ushbu guruh AQSh Harbiy-dengiz kuchlarining Uchinchi floti boshqaruvida harakatlanmoqda.
