2017 йил 21 май куни соат 22-30ларда муқаддам судланган Қодиров Жаҳонгир Тошкент шаҳри Шайхонтоҳур тумани ҳудудида фуқаро Б.нинг қўлидаги сумкасини ва ичида бўлган 380 минг сўм нақд пулни талончилик йўли билан эгаллаб олган. У ҳодиса жойидан яширинмоқчи бўлган вақтда шу ҳудудда хизмат вазифасини олиб бораётган ички ишлар ходимлари томонидан далилий ашё билан қўлга олинган. 

Қодировга нисбатан Шайхонтоҳур тумани ички ишлар бошқармаси тергов бўлими томонидан Ўзбекистон Республикаси ЖКнинг 166-моддаси, яъни талончилик аломатлари билан жиноий иш қўзғатилиб тергов ҳаракатлари олиб борилмоқда. 

Шу муносабат билан Тошкент шаҳар ИИББ ушбу фуқародан азият чекканлар бўлса, “102” телефон рақамига ёки яқин орадаги ички ишлар идораларига мурожаат қилишларини сўраб қолади.