12 йил давомида Ўзбекистон Миллий телерадиокомпанияси (ЎзМТРК) раиси лавозимида ишлаб, шу йилнинг февралида ишдан олинган Алишер Хўжаев янги лавозимга тайинланди.

«Кун.uz»га маълум қилишларича, Вазирлар Маҳкамаси қарори билан Алишер Хўжаев  Жўрақулович Ўзбекистон Республикаси Вазирлар Маҳкамаси ҳузурида миллатлараро муносабатлар ва хорижий мамлакатлар билан дўстона муносабатлар бўйича қўмита раиси ўринбосарлигига тайинланган.

Эслатиб ўтамиз, ушбу қўмита президентнинг 22 май кунги фармонига кўра Республика байналмилал маркази ҳамда дўстлик жамиятлари ва хорижий давлатлар билан маданий-маърифий алоқалар кенгаши негизида ташкил этилганди.