Испания солиқ идоралари «Реал» ярим ҳимоячиси Хамес Родригесга расман айблов қўйиши мумкин.

OK Diario тарқатган хабарга кўра, солиқчилар ушбу колумбиялик футболчи ва унинг агентининг молиявий ҳужжатларини текшириш ишларини бошлаган. 2014 йилда «Монако»дан «Реал»га ўтган Хамес солиқлардан қочиш мақсадида оффшор компания хизматидан фойдаланган бўлиши мумкинлиги тахмин қилинмоқда.

Бунгача худди шундай текширув ишлари «Реал»нинг бошқа футболчилари, ҳозирда ҳам жамоа аъзоси ҳисобланадиган Криштиану Роналду ҳамда жамоанинг собиқ футболчиси Анхель Ди Марияга нисбатан ўтказилганди. Шунингдек, Лука Модрич Хорватияда терговга чақирилган.