Тошкент шаҳридаги Х.Калонов номидаги Юнусобод компьютер технологиялари профессионал коллежи талабаларининг ота-оналари ўқув муассасаси раҳбариятини ўқувчиларга қўл кўтаришда айбламоқда, деб хабар берди Nuz.uz.

"Директор ва унинг икки ўринбосари талабаларни ҳақорат қилмоқда, уларни ўқишга алоқаси бўлмаган ишларни бажаришга мажбурлашмоқда ва ҳаттоки қўл кўтаришмоқда", - дея хабар беради нашр.

Ота-оналарнинг таъкидлашича, уларнинг фарзандлари коллеждан баъзи жойлари кўкарган ҳолда қайтиб келади. Ўқувчилар тарсаки тушириш ва гарданга уришларидан шикоят қилишган.

Айни дамда ота-оналар барча жабрланганлар имзосини йиғмоқда ва ИИББга ариза тайёрлашмоқда.

Аввалроқ П.Ф.Боровский номидаги Тошкент тиббиёт коллежининг 1999 йилда туғилган, 17 ёшли талабаси Жасур Ибрагимов ўз курсдошлари томонидан калтакланиб, оламдан ўтди.