Яна бир ҳоким аҳоли мурожаатларига беэътибор қарагани учун ишдан олинди

Ўзбекистон 05 Июль 2017 37418

Хоразм вилояти, Шовот тумани ҳокими Тўлибой Ўтамуратов ишдан олинди. Бу ҳақда Facebook ижтимоий тармоғидаги Халқ билан мулоқот гуруҳида маълум қилинган.

Хабар қилинишича, ҳоким аҳоли мурожаатлари билан ишлашда сусткашликка йўл қўйгани учун лавозимидан айрилган.

Тўлибой Ўтамуратов 2014 йил сентябрь ойидан бери тумани ҳокими сифатида ишлаб келаётганди. 

«У иш даври мобайнида туманда саноатни ривожлантириш, қишлоқ хўжалиги тадбирларини амалга ошириш, кичик бизнесни қўллаб қувватлаш, маҳсулотларни экспорт қилиш масалаларида кўзга кўринган натижаларга эришмади.

Ўтамуратов аҳоли мурожаатлари билан ишлашда камчиликларга йўл қўйган, чунки у кейинги вақтда аҳоли муаммоларини ўрганиш ва ҳал этиш ўрнига уларни четлаб ўтишга ўрганган. Масалан, Шовот туманида истиқомат қилувчи аҳолидан бугунги кунгача жами 2 731та мурожаат келиб тушган бўлиб, ушбу мурожаатларнинг 933таси Шовот тумани ҳокимлиги ваколати билан боғлиқ. Ҳокимлик томонидан кўриб чиқилган ушбу мурожаатлардан атиги 35таси ижобий ҳал қилинган. Қолган мурожаатларга умумий мазмундаги тушунтириш бериш билан чекланган», дейилади хабарда.

Таъкидланишича, 8 июнь куни президент девони Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати раҳбарлигида Шовот туманида республика вазирлик ва идоралар, вилоят мансабдор шахслари иштирокида сайёр қабуллар ташкил этилди ва туманнинг 50 нафардан ортиқ фуқароси билан бевосита очиқ мулоқот ўтказилди.

«Қабул давомида Шовот тумани ҳокими мурожаатлардан тўлиқ хабардор эмаслиги, аҳолини қийнаб келаётган муаммоли масалаларни ичига кирмаганлиги ва уларни ҳис этмаганлиги маълум бўлди. Фуқаролар дардини эшитадиган, Ўзбекистон Республикаси президенти қўяётган ва ҳозирги замон талабига жавоб берадиган, юқори ахлоқий ва маънавий фазилатларга эга раҳбар сифатида ўзини намоён эта олмади. Туман аҳолиси билан қўпол муомалада бўлганлиги ҳолати сайёр қабул давомида яққол кўринди.

Юқоридаги камчиликлари учун Шовот тумани ҳокими лавозимида ишлаб келаётган Ўтамуратов Тўлибой жорий йилнинг 5 июль куни туман депутатлари кенгашининг навбатдан ташқари сессиясида ўз лавозимидан озод этилди», дейилган хабарда.

Ўтган ойда Шўрчи тумани ҳокими халқ билан ишлай олмагани учун ишдан олингани ҳақида хабар берилганди.

Самарқанд вилояти ҳокими нега ишдан олинди?

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34148 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72393 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10510 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136519 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 61 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 391 Жамият
Виталий Денисов футболга қайтганидан хурсанд
02:29 185 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 339 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар