AQSh Alyaskada THAAD raketalarga qarshi mudofaa tizimini muvaffaqiyatli sinovdan o‘tkazdi. U Havayining shimoliy qismidan uchirilgan o‘rta masofadagi ballistik raketani tutgan.
Bu haqda Fox News xabar bermoqda.
«Bu sinovlar THAAD tizimi salohiyati va ularning ballistik raketalar ko‘rinishidagi tahdidni tutish hamda yo‘q qilish bo‘yicha imkoniyatlarini ko‘rsatib berdi», - deya xabar bergan raketalarga qarshi mudofaa bo‘yicha agentlik rahbari Sem Grivs kanalga.
Uning fikricha, ushbu raketalarga qarshi mudofaa tizimlari AQShni «haqiqiy va ortib borayotgan tahdiddan» himoya qiladi.
