Давлат бюджетига тушумларнинг тўлиқлигини назорат қилиш инспекцияси ташкил этилмоқда

Иқтисодиёт 19 Июль 2017 11917

Аввал хабар қилинганидек, Ўзбекистон Республикаси Президенти «Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида»ги фармони имзоланди.

Фармон билан Ўзбекистон Республикаси Ҳисоб палатаси тузилмасида Ўзбекистон Республикаси Давлат бюджетига тушумларнинг тўлиқлигини назорат қилиш инспекцияси ташкил этилади.

Унинг фаолияти бюджет даромадларини кўпайтириш захираларини аниқлаш ва уларнинг сафарбар этилишини таъминлаш, солиқ ва божхона тўловларининг йиғилувчанлик даражасини тизимли таҳлил қилиш, Давлат бюджети даромадларининг прогноз кўрсаткичларининг холислиги ва асослилигини баҳолаш, солиқ солиш объектлари ва солиқ солинадиган базани тўлиқ қамраб олиш устидан назоратни амалга оширишга йўналтирилади. 

Давлат бюджетига тушумларнинг тўлиқлигини назорат қилиш инспекциясида чекланган штат сони Давлат солиқ хизмати органларининг штатлар сонини қисқартириш ҳисобидан 41 нафардан иборат бўлади.

Кўпроқ янгиликлар