Foto: Sport Ekspress
Xitoyning «Shanghay Shenhua» klubi yangi bosh murabbiyi Vu Tszinsu jamoa hujumchisi Karlos Teves yaqin vaqtdagi uchrashuvlarda ishtirok etmasligini ma'lum qildi.
«Teves jismoniy jihatdan tayyor emas. U keragidan ortiqcha vazn to‘plab yuborgan. Bu holatni Guarinda ham kuzatish mumkin.
Jamoa va futbolchilar uchun mas'uliyatni o‘zim zimmamga olganman. Agar sen o‘ynay olmaydigan darajada bo‘lsang, uchrashuv qaydnomasiga kiritilishga haqqing yo‘q», – deya murabbiyning so‘zlarini keltiradi Sky Sports.
Eslatib o‘tamiz, 33 yoshli Teves dunyoning eng ko‘p maosh oladigan futbolchisi sanaladi.
