Hindistonning Maduray shahriga uchib kelgan Air India aviakompaniyasi samolyoti salonidan og‘irligi ikki kilogrammni tashkil qiluvchi ikkita oltin yombisi topildi. Bu haqda Times of India nashri xabar tarqatgan.
Gazetaning ma'lumotlariga ko‘ra, sanitariya nazorati xodimlari yombilarni seshanba kuni topishgan. Oltin o‘rindiqlardan birining tagida bo‘lgan qutqaruv jiletiga yashirib qo‘yilgan.
Mahalliy hukumat hisob-kitoblariga qaraganda, yombilar qiymati 77 ming dollardan (besh million rupiy) ko‘proqni tashkil etishi mumkin.
Ayni damda huquqni muhofaza qilish idoralari xodimlari qimmatbaho metallni olib o‘tishga uringan kontrabandachining shaxsini aniqlashmoqda, deb xabar bergan Hindustan Times gazetasi.
