Токионинг Tsukuba Express темирйўл компанияси поезднинг белгиланган вақтдан 20 сония эртароқ қўзғалгани учун кечирим сўралган пресс-релизни эълон қилди. Воқеа Ибараки префектурасидаги Акиҳабара станциясини Цукуба станцияси билан боғловчи линияда рўй берган. Жадвалга кўра поезд жойидан 9:44 да қўзғалиши керак бўлган, бироқ ҳаракатланиш 9:43:40 да бошланган, деб ёзади Japan Today. 

Хабар қилинишича, ушбу линияда поездлар 4 дақиқа интвервал билан юришади. Бироқ баёнотида Tsukuba Express вакиллари «мижозларга туғдирилган жиддий ноқулайлик учун кечирим сўрашлари»ни таъкидлашган.

Компания вақтдаги у қадар эътибор бўлмаган фарққа қарамасдан «бу аҳоли ўртасида маълум бир норозилик келтириб чиқариши, чунки пойтахт шаҳарлараро темирйўл компанияси поездлар жадвал бўйича ўз вақтида юриши тўғрисидаги ваъдасини бажара олмагани»ни айтиб ўтган.

«Гарчи бу кечирим сўраш учун арзирли хато деб ҳисобланмаган тақдирда ҳам, кечирим сўрашнинг ёмон тарафи йўқ. Айниқса, поезднинг эртароқ жўнаши оқибатида пайдо бўладиган ҳар қандай муаммо юзасидан таассуф изҳор қилиш талаб этиладиган чоғда», дейишган Tsukuba Express вакиллари.

Эслатиб ўтамиз, 27 октябрь куни Тошкентдан Андижонга йўлга чиққан поезд жадвалдан 1 соату 10 дақиқа кечикиб йўлга чиққани, манзилга эса 2 соату 25 дақиқа кечикиб етиб боргани ҳақида хабар берган эдик. Ушбу ҳолат учун «Ўзбекистон темир йўллари» АЖ фуқаролардан наинки кечирим сўради, ҳаттоки ҳеч ким тушунтириш ҳам бергани йўқ.