Jahon | 01:16 / 16.11.2017
9250
2 daqiqa o‘qiladi

Italiya rasman madhiyaga ega bo‘ldi

Foto: AFP

Italiya ramzlaridan biri “Italyanlar qo‘shig‘i” mamlakatning milliy madhiyasi sifatida tasdiqlandi. Madhiya matni Goffredo Mameliga tegishli. Ushbu qarorni 15 noyabrda Italiya parlamenti senatining konstitutsiyaviy komissiyasi qabul qildi.   

Italiya respublikasi 71 yil avval tashkil topgandan beri barcha davlat tadbirlari va sport musobaqalarida yangrab kelgan “Mameli madhiyasi” de-fakto mamlakat madhiyasi bo‘lgan, biroq bu konstitutsiyaga biriktirib qo‘yilmagan bo‘lgan. Endi bu holat konstitutsiyada qayd qilinadi. Unda madhiya “Italyanlar qo‘shig‘i” (Il Canto degli Italiani) sifatida ko‘rsatiladi. Madhiyaning “Italiya og‘a-inilari” nomi bilan ham ma'lum bo‘lgan matni uzoq 1847 yilda yozuvchi va shoir Goffredo Mameli tomonidan yozilgan. Musiqa muallifi Mikele Novaro hisoblanadi. 

1980-yillar boshidan “Mameli gimni”ni haddan tashqari siyosiylashgani vaji ostida Juzeppe Verdining “Nabukko” operasidagi “O‘ylar, oltin qanotlarda parvoz qil” qo‘shig‘iga almashtirish borasida tortishib kelingan.

Mavzuga oid

E`lonlar