Qoʻshimcha funksionallar
-
Tungi ko‘rinish
Erdo‘g‘an Turkiya chegarasi bo‘ylab kuzatilayotgan «o‘yinlar»ni tilga oldi
Foto: AP
Turkiya prezidenti Rajab Toyyib Erdo‘g‘an Suriya bilan chegara yaqinida «o‘yinlarga yakun yasash» niyatida ekanini ma'lum qildi, deb xabar bermoqda Reuters.
«Manbijdan boshlab... chegaralarimiz bo‘ylab bu o‘yinlarga yakun yasashimiz kerak. Buni qilishda davom etamiz», - deya aytib o‘tgan Erdo‘g‘an. U Suriyaning Afrinida o‘tkazilayotgan amaliyotning beshinchi kuni Anqarada mahalliy ma'muriyatlar rahbarlari oldida chiqish qilgan.
Eslatib o‘tamiz, avvalroq Turkiyadagi asosiy muxolif Xalq-respublika partiyasi yetakchisi Kamol Qilichdoro‘g‘li «Zaytun novdasi» amaliyotini qo‘llab-quvvatlagandi. Amerika Qo‘shma Shtatlari mudofaa mahkamasi rahbari Jyeyms Mettis Turkiyani Suriyada «vazminlikka» chaqirdi.
Turkiyaning Suriyaga kirishi
Turkiya qurolli kuchlari Suriyaning Afrin mintaqasidagi qurollangan kurd bo‘linmalariga qarshi quruqlikdagi harbiy operatsiyani amalda boshladi.
