Fransiyalik Fransua Jissi velosipedda yangi jahon rekordini o‘rnatish uchun tayyorgarlik jarayonida hayotdan ko‘z yumdi. L'Alsace gazetasi shu haqida xabar berdi.
Voqea Yuqori Reyn departamentidagi Myunshuze yopiq uchish-qo‘nish yo‘lakchasida ro‘y berdi. Navbatdagi mashqlar vaqtida Jissi boshqaruvni qo‘ldan chiqardi va trassadan 300 km/s tezlikda otilib ketdi. Tezkorlik bilan ko‘rsatilgan tibbiy yordamga qaramay, sportchi olingan jarohatlar natijasida hayotdan ko‘z yumdi. Politsiya voqea sabablarini o‘rgana boshladi.
Jissi 2014 yilda - velosipedda 333 km/s tezlikda rekord o‘rnatganidan keyin jahonga tanilgan edi. Ta'kidlash joizki, poygachi o‘zi tomonidan yig‘ilgan reaktiv velosipeddan foydalangan. U o‘zining rekordini yangilash harakatida bo‘lgan - Jissi 400 km/s tezlikda jahon rekordini o‘rnatishni rejalashtirgandi.