Jahon chempionati 1-turida Yaponiya hamda Senegal terma jamoalar o‘zlaridan kuchli bo‘lgan jamoalarni mag‘lub etib qahramonlik ko‘rsatgan bo‘lsa, ularning muxlislari ham o‘zlarini tutish borasida o‘rnak ko‘rsatishdi.
Senegal muxlislari jamoasining Polsha ustidan qozongan g‘alabasidan so‘ng (2:1), stadionni tark etmay, o‘zlaridan qolgan chiqindilarni tozalab chiqishdi.
Kolumbiyani 2:1 hisobda yutgan Yaponiya terma jamoasi muxlislari ham stadionni tark etishga shoshilmay, tribunani tozalashdi.
Yaponiyalik muxlislar stadionga chiqindilarni tozalash uchun maxsus paketlarni ham olib kelishgan edi.
