O‘zbekistonning Qirg‘izistondagi elchisi Komil Rashidov Qirg‘izistondan kartoshka olib kirishga qo‘yilgan norasmiy taqiqni 2018 yil 29 avgust kuni Bishkekda bo‘lib o‘tgan matbuot anjumanida izohladi, deya xabar beradi Tazabek.
«Avvalo, bu savdo-iqtisodiy masaladir va tegishli idoralar darajasida muhokama qilinishi kerak. Kartoshkani olib kirishga keladigan bo‘lsak, unda O‘zbekistonda qiyin paytlar bo‘lgan hamda biz boshqa mamlakatlardan, shu jumladan, Qirg‘izistondan import qildik. Ammo hozirgi vaqtda O‘zbekistonda qishloq xo‘jaligi sektori rivojlanmoqda va mamlakat boshqa mamlakatlarga kartoshka eksport qilmoqda», - dedi u.
Avvalroq, 2018 yil yanvar-iyul oylarida O‘zbekistonga tashrif buyurgan Qirg‘iziston fuqarolarining soni 500 ming kishini tashkil etgani xabar qilingandi.
«O‘ylashimcha, bu yil Qirg‘izistonga tashrif buyurgan O‘zbekiston fuqarolarining soni ham shunday - yarim million», - dedi elchi.
