Foto: kabar.kg
2018 yil yanvar-iyul oylarida O‘zbekistonga tashrif buyurgan Qirg‘iziston fuqarolarining soni 500 ming kishini tashkil etdi.
O‘zbekistonning Qirg‘izistondagi elchisi Komil Rashidov Tazabek nashriga shu haqda ma'lum qildi.
«O‘ylashimcha, bu yil Qirg‘izistonga tashrif buyurgan O‘zbekiston fuqarolarining soni ham shunday - yarim million», - dedi u.
Elchining qo‘shimcha qilishicha, bu raqam avvalgi yillarga nisbatan ortgan.
«Chegarachilarning aytishicha, faqat «Dostuk» nazorat o‘tkazish punktidan kamida 10 ming kishi o‘tmoqda», - deydi u.
Eslatib o‘tamiz, ikki mamlakat o‘rtasida 60 kunlik vizasiz rejim amal qilmoqda, bu turistlar uchun qulay sharoit yaratadi.
