Foto: REUTERS
Rossiya prezidenti Vladimir Putin qirg‘izistonlik hamkasbi Sooronbay Jeenbekov bilan muzokaralar chog‘ida mamlakat hududidagi Rossiya harbiy bazasi haqida gapirdi. Bu haqda «Gazeta.ru» muxbiri xabar bermoqda.
Putinning so‘zlariga ko‘ra, mamlakatlar o‘rtasidagi harbiy hamkorlik kuchaytiriladi, Qirg‘iziston hududida joylashtirilgan harbiy baza esa respublika mudofaa qobiliyatini mustahkamlashga yordam beradi.
«... uning mavjudligi Markaziy Osiyoda xavfsizlik va barqarorlikning muhim omili hisoblanadi», - dedi Putin.
Bundan oldin, Putin Bishkekka kelgani va gvardiyachilarga qirg‘iz tilida murojaat qilgani xabar berilgandi.
