Putin gvardiyachilarga qirg‘iz tilida murojaat qildi

Rossiya prezidenti Vladimir Putin Qirg‘izistonga tashrifi chog‘ida faxriy qorovuldagi gvardiyachilarga qirg‘iz tilida murojaat qildi. Bu haqda 28 mart, payshanba kuni jurnalist Dmitriy Smirnov o‘z Telegram-kanalida yozgan.

Putin payshanba kuni Qirg‘iziston prezidenti Sooronbay Jeenbekov bilan uchrashdi. Tadbir respublika davlat protokolining yangi qoidalariga asosan o‘tkazildi: «Ala-Archa» davlat qarorgohi kongress-xolli oldida postamentli marmar chodir qurildi.

Dastlab Qirg‘iziston prezidenti yetib kelgan, Rossiya yetakchisi «Aurus»da biroz vaqt o‘tgandan keyin kirgan. Rossiya va Qirg‘iziston rahbarlari postamentga ko‘tarilishdi, u yerda ularni milliy gvardiya faxriy qorovuli kutib oldi. Shundan so‘ng, Putin va Jeenbekov faxriy qorovul rotasi bayrog‘iga yaqinlashgan va safni chetlab o‘tishgan.

«Salom Askar», - deya murojaat qilgan harbiylarga Putin.

Bundan oldin, Putin Bishkekka kelgani xabar berilgandi.