Putin Bishkekka keldi

Rossiya prezidenti Vladimir Putin Qirg‘izistonga davlat tashrifi bilan keldi. Bu haqda RIA «Novosti» xabar bermoqda.

Agentlik ma'lumotiga ko‘ra, Putin Bishkekka Qirg‘iziston prezidenti Sooronbay Jeenbekov bilan uchrashish uchun kelgan.

Qayd etilishicha, yetakchilar Rossiya-Qirg‘iziston mintaqalararo konferensiyasida ishtirok etadi.

Shu bilan birga, uchrashuv davomida Putin va Jeenbekov Rossiya-Qirg‘iziston munosabatlarining hozirgi holati hamda rivojlanish istiqbollarini muhokama qiladi.

Bundan oldin, Jeenbekov va Putin Qirg‘izistondagi Rossiya harbiy bazasining maqomi o‘zgarishini muhokama qilishi xabar berilgandi.