AQShda odam savdosida ayblangan milliarder o‘z joniga qasd qildi

Amerikalik milliarder Jyeffri Epshteyn Nyu-Yorkdagi turma kamerasida o‘z joniga qasd qildi. Bu haqda manbalarga iqtibos keltirgan holda The New York Times nashri xabar qildi.

Iyulda 66 yoshli Epshteynga 14 yoshli qizlarni sotish ayblovi e'lon qilingan. Guvohlar u 2002 yildan 2005 yilgacha o‘zining ma'shuqalarini yangi qizlarni olib kelishga majbur qilganini ma'lum qilishgan. Ba'zi jabrlanuvchilar 14 yosh yoki undan ham yoshroq bo‘lgan.

Umumiy hisobda milliarderga 45 yillik qamoq jazosi xavf solgandi. U o‘z aybini tan olmagan.

Epshteyn o‘z faoliyatini Bear Stearns investitsiya bankida boshlab, keyinchalik o‘zining J. Epstein & Co firmasiga asos solgan. Ko‘plab g‘arb nashrlari uni milliarder deb atashgan, biroq Forbes’ning xabar qilishicha, u Epshteynni hech qachon milliarderlar ro‘yxatiga kiritmagan.