Moskva va Anqara Rossiyaning Su-57 qiruvchi samolyotlarini yetkazib berish bo‘yicha muzokara olib bormoqda. Bu haqda Turkiya prezidenti Rajab Tayyip Erdo‘g‘an ma'lum qildi.
"Muzokaralar olib borilmoqda, ular davom etadi. MAKS-2019dan vazirliklarimiz vakillari Rossiyada qolishdi. Kredit va hamkorlikdagi ishlab chiqarish bo‘yicha shartlarimizni ma'lum qilamiz", — dedi Erdo‘g‘an.
Seshanba kuni Rossiya va Turkiya prezidentlari MAKS-2019 xalqaro aviasaloniga tashrif buyurishdi.
Erdo‘g‘anni Su-35 va Su-57 samolyotlari qiziqtirib qoldi.
Erdo‘g‘an Vladimir Putindan “bu samolyot uchadimi, uni sotib olish mumkinmi?” deb so‘radi. Rossiya prezidenti bu savolga “Ha, sotib olishingiz mumkin” deb javob qaytardi.