2022 yilda 100 mingdan ortiq Cobalt ishlab chiqarildi

2022 yilning yanvar-dekabr oylarida 101 617 dona Cobalt avtomobili ishlab chiqarilgan.

Statistika agentligining ma’lumotlariga ko‘ra, Cobalt avtomobili ishlab chiqarish hajmi 2021 yilning mos davri bilan solishtirilganda 43 foizga oshgan.

Oylar kesimida Cobalt avtomobilining ishlab chiqarish soni:

• yanvarda – 3 393 dona; 
• fevralda – 7 394 dona; 
• martda  – 8 405 dona;  
• aprelda – 9 498 dona;
• mayda – 10 226 dona;
• iyunda – 10 468 dona;
• iyulda – 3 519 dona;
• avgustda – 7 757 dona;
• sentabrda – 9 156 dona;
• oktyabrda – 11 495 dona;
• noyabrda – 8 928 dona;
• dekabrda – 11 378 dona.

O‘z navbatida, 2022 yilda 87 105 dona Lacetti-Gentra avtomobili ishlab chiqarilgan.

Statistika agentligi ma’lumotlariga ko‘ra, bu ko‘rsatkich 2021 yil bilan solishtirilganda 70,6 foizga oshgan.    

2022 yilda oylar kesimida Lacetti-Gentra avtomobilining ishlab chiqarish soni eng ko‘p iyunda qayd etildi – 9 463 dona.