Prezident tomonidan “Veterinariya to‘g‘risida"gi qonunga o‘zgartirishlar kiritish haqida”gi qonun imzolandi.
Hujjat veterinariya sohasida yuqori malakali kadrlarni tayyorlash bo‘yicha zamonaviy ta’lim tizimini yaratish, mazkur sohada faoliyatni amalga oshirayotgan tadbirkorlik sub’yektlarining huquqlari va qonuniy manfaatlari himoya qilinishini yanada kuchaytirishga qaratilgan.
“Veterinariya to‘g‘risida”gi qonunga kiritilgan o‘zgartirishlar bilan Samarqand veterinariya meditsinasi instituti Samarqand davlat veterinariya meditsinasi, chorvachilik va biotexnologiyalar universitetiga aylantirildi.
Bosh davlat veterinariya inspektorlari, ularning o‘rinbosarlari va davlat veterinariya inspektorlarining veterinariya nazorati obektlariga moneliksiz kirish bo‘yicha vakolatlari qisqartirilmoqda. Endi ular ushbu obektlarga qonunchilikda belgilangan tartibda kirishlari mumkin.
