Ayrim holatlarda fuqarolarda bir vaqtning o‘zida ikki turdagi pensiyani olish uchun huquqi paydo bo‘ladi.
Pensiya jamg‘armasi bunday vaziyatlarda fuqarolarga qanday pensiya tayinlanishi to‘g‘risida ma’lumot berdi.
“Fuqarolarning davlat pensiya ta’minoti to‘g‘risida”gi qonun 4-moddasiga ko‘ra, davlat pensiyalari turli xillarini olish huquqiga ega bo‘lgan fuqarolarga ular o‘zi tanlagan bitta pensiya tayinlanadi.
Ya’ni, agar fuqarolarda ikki yoki undan ortiq pensiyani olish uchun huquq paydo bo‘lganda, yuqoridagi qonun moddasiga asosan, fuqaroning tanlovi bilan faqat bitta turdagi pensiyani olishi mumkin bo‘ladi.
