Qoʻshimcha funksionallar
-
Tungi ko‘rinish
To‘qimachilik biznesi ajratilgan 25 mln dollarlik subsidiyadan hozircha faqat 4 mln dollaridan foydalandi
Tekstil sanoati korxonalariga matoni bo‘yosh uskunalarini sotib olish xarajatlarining 10 foizini qoplab berish uchun 25 mln dollar ajratilgan edi. Lekin o‘tgan ikki yilda bu subsidiyaning qariyb 4 mln dollarlik qismi o‘zlashtirilgan.

Foto: O‘zbekiston Savdo-sanoat palatasi
O‘zbekiston Savdo-sanoat palatasi to‘qimachilik sohasida xomashyoni chuqur qayta ishlashni rag‘batlantirish uchun ajratilgan mablag‘dan xususiy sektor qay darajada foydalanayotgani haqida ma’lumot berdi.
Vazirlar Mahkamasining 2022 yil sentabridagi “To‘qimachilik va tikuv-trikotaj korxonalarida chuqur qayta ishlash va yuqori qo‘shilgan qiymatli tayyor mahsulotlar ishlab chiqarishni hamda ularning eksportini rag‘batlantirish chora-tadbirlari to‘g‘risida”gi qaroriga muvofiq, To‘qimachilik sohasini qo‘llab-quvvatlash jamg‘armasiga 25 mln dollar ajratilgan.
“Natijada bo‘yalgan mato hamda aralash va bo‘yalgan gazlama mahsulotlarini ishlab chiqarish loyihalari doirasida xarid qilingan uskunalar uchun 2023 yilda 19 ta korxonaga 26,5 mlrd so‘m qaytarib berilgan bo‘lsa, 2024 yilda 10 ta korxona uchun jami 16,7 mlrd so‘m qaytarib berildi.
Uskunalar qiymatining 10 foizlik qiymati qaytarilishi tadbirkorlar uchun muhim imkoniyat yaratadi. Subsidiyalar orqali taqdim etilayotgan bu imkoniyatlar, to‘qimachilik sohasida yangi bosqichga o‘tish va yanada muvaffaqiyatli ishlash uchun mustahkam asos bo‘ladi”, – deyiladi Savdo-sanoat palatasi axborotida.a
Iqtisodchi Otabek Bakirov yuqorida ko‘rsatilgan imkoniyatdan foydalangan tadbirkorlar sanoqli ekaniga e’tibor qaratdi.
“Jahon savdo tashkilotiga kirish bilan bog‘liq ravishda eksportchilarga imtiyozlarning bekor qilinayotgani to‘qimachilik biznesini tashvishga solayotgani aniq.
Masalan, bo‘yalgan mato hamda aralash va bo‘yalgan gazlama mahsulotlarini ishlab chiqarish loyihalar doirasida xarid qilingan uskunalar qiymatining 10 foizlik qiymatining qaytarilishidan foydalangan tadbirkorlar sanoqli. Haliyam aksar tekstilchilar kalava ip bilan chuvalashib yotishipti.
Davlat rahbari tashabbusi bilan bo‘yoqxona uskunasining 10 foizini subsidiyalash uchun 25 mln dollar ajratilgan. Qisqa muddat ichida 30 ta yangi bo‘yoqxonaga 4 mln dollar subsidiya to‘lab berilgan.
Davlatning o‘zi subsidiya orqali qo‘llab-quvvatlayotgani, xomashyo sotishdan foyda katta bo‘lmasligi tekstilchilar uchun aniq signal bo‘lishi kerak.
Mato bo‘yaldimi, gul bosildimi, narxi, raqobatbardoshliligi oshadi, bozori kengayadi, xaridori ko‘payadi. Buyalmagan matoni 3 dollar, bo‘yalganini esa 6 dollardan sotsa bo‘ladi. 3 mlrd dollar emas, 6 mlrd dollarlik eksport qilish mumkin.
Yengil sanoat baribir bir kun yakuniy qayta ishlash bosqichiga o‘tadi. Xomashyo sotish xato ekanini biznes ham tushunib yetadi, uskunani olib kelib qayta ishlashni boshlaydi. Lekin bu ishni davlat subsidiya berayotganida qilish eng to‘g‘ri yo‘l”, – deya yozdi Bakirov.
Tavsiya etamiz
Navbatdagi cho‘pchak: O‘zbekistonda kriptovaluta “qazib oluvchi” uskuna ijarasidan daromad olish taklif etilmoqda
Jamiyat | 20:37
„Uchastkavoy“ prezident bilan uchrashuvda kapitanga aylandi
O‘zbekiston | 15:27 / 11.07.2025
Tramp: NATO Ukraina uchun AQShdan qurol sotib oladi
Jahon | 11:21 / 11.07.2025
Eldor Shomurodov Turkiya klubiga o‘tdi
Sport | 11:12 / 11.07.2025
So‘nggi yangiliklar
-
Andijonda hokim o‘rinbosari, statistika bo‘limi boshlig‘i va sobiq mansabdorlar pora bilan ushlandi
Jamiyat | 22:19
-
Yil boshidan beri urushda 100 ming rossiyalik askar halok bo‘ldi - NATO bosh kotibi
Jahon | 21:58
-
Pul qayerga ketdi? Kundalik xarajatlarni qayd etib borish uchun 3 ta bepul ilova
Iqtisodiyot | 21:47
-
Bank kartalardan 1 mlrd so‘mga yaqin pullarni o‘zlashtirgan jinoiy guruh qo‘lga olindi
Jamiyat | 21:42
Mavzuga oid

15:19 / 07.07.2025
O‘zbekiston-Pokiston qo‘shma Savdo-sanoat palatasi tuziladi

14:00 / 20.05.2025
Germaniya O‘zbekistonda to‘qimachilik sohasida ishlayotgan ayol menejerlarni qo‘llab-quvvatlaydi

12:29 / 03.03.2025
Pokiston to‘qimachilik korxonasi O‘zbekistonda qo‘shma loyihani amalga oshiradi

22:20 / 11.02.2025