Eron Yaqin Sharq mamlakatlaridagi energetika obektlariga zarba berishini e’lon qildi

Saudiya Arabistonidagi Samref neftni qayta ishlash zavodi va Al-Jubayl neft-kimyo majmuasi, BAAdagi Al-Husn gaz koni, Mesaieed Holding kompaniyasining neft-kimyo majmuasi va Qatardagi Ras-Laffan neftni qayta ishlash zavodi nishonlar sifatida tilga olingan.

Foto: Reuters

Tehron arab davlatlaridagi energetika obektlariga zarba berilishi haqida ogohlantirdi, deb xabar berdi Eron davlat teleradiokompaniyasi.

"Saudiya Arabiston, BAA va Qatardagi neft obektlari hududlarini tark eting", — deyiladi xabarda.

Ma’lumot berilishicha, Saudiya Arabistonidagi Samref neftni qayta ishlash zavodi va Al-Jubayl neft-kimyo majmuasi, BAAdagi Al-Husn gaz koni, Mesaieed Holding kompaniyasining neft-kimyo majmuasi va Qatardagi Ras-Laffan neftni qayta ishlash zavodi nishonlar sifatida tilga olingan.

Ularga yaqin soatlarda hujum qilinishi aytildi. Eron harbiy qo‘mondonligi bu ma’lumotni tasdiqladi.

Ushbu ogohlantirish Tehron AQSh va Isroil Eron janubidagi neft-gaz obektlariga zarba bergani haqida xabar qilganidan so‘ng e’lon qilindi.

Bloomberg nashrining yozishicha, Fors ko‘rfazidagi neft qazib olish bilan shug‘ullanuvchi korxonalar o‘z xodimlarini evakuatsiya qilishni boshlagan.

Tayyorlagan Дилшодбек Асқаров

#Tehron #Yaqin Sharq #neft-gaz

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.