Amerikalik golfchi Kodi Gribbl musobaqa vaqti alligatorni o‘yin maydonidan quvib chiqardi. Ushbu holat tasvirlangan video zum o‘tmay YouTube portalida paydo bo‘lgan.
Yirtqich Bey-Hill (Florida) shahrida o‘tkazilayotgan PGA Arnold Palmer Invitational seriyasidagi turnir vaqti suv qirg‘og‘idan kelib qolgandi. Golfchi esa xotirjamlik bilan unga yaqinlashgan va uni suvga tushirib yuborgan.
Sportchining vajohatidan cho‘chib ketgan timsohning suvga sakrashdan boshqa iloji qolmagandi.