Юнусобод туманининг 19-мавзесида юқори босимли ерости газ қувуридан газ сизиб чиқиш ҳолати аниқланди.
“Ҳудудгаз Пойтахт” хабарига кўра, ҳолатни бартараф этиш мақсадида 20 май куни соат 03:40 да туманнинг “Обод”, “Оқтепа”, “Бободеҳқон” МФЙ ва Шифокор кўчасида табиий газ таъминоти вақтинча тўхтатилган.
Бунда:
- аҳоли истеъмолчилари - 225 та ерли хонадон, 2 та кўп қаватли уйлардаги 146 та хонадон;
- улгуржи истеъмолчилар сони - 1 та;
- АГТКШ - 3 та.
Таъмирлаш ишлари тугатилгандан сўнг, табиий газ таъминоти қайта тикланади. Юзага келган ноқулайликлар учун газ таъминоти филиали истеъмолчилардан узр сўраган.