Eksportdagi top-10 davlatlar to‘g‘risida ma’lumot berildi.
Foto: Kun.uz
2024 yilning yanvar-aprel oylarida O‘zbekiston eksportida yuqori ulushga ega bo‘lgan davlatlar orasida Rossiya birinchi o‘rinni egalladi. Eksport hajmi – 1 mlrd dollar.
Statistika agentligi ma’lumotlariga ko‘ra, undan keyingi o‘rinlardan mos ravishda 644,4 mln hamda 383,9 mln dollar mahsulotlar eksport qilingan Xitoy va Qozog‘iston joy oldi.
Ushbu ko‘rsatkich qolgan davlatlar kesimida quyidagicha ko‘rinishga ega:
- Turkiya – 378 mln AQSh dollari;
- Afg‘oniston – 301,4 mln AQSh dollari;
- Fransiya – 265 mln AQSh dollari;
- Qirg‘iziston – 154 mln AQSh dollari;
- Tojikiston – 146 mln AQSh dollari;
- Pokiston – 106,4 mln AQSh dollari;
- AQSh – 69,4 mln AQSh dollari.
