«Mersedes» elektrokarlar uchun subbrendiga nom tanladi

Mercedes-Benz kompaniyasining elektrokarlar ishlab chiqariluvchi alohida subbrendi MEQ nomi ostida faoliyat ko‘rsatadi. Bu haqda Auto Express nashri xabar bergan.

«Mersedes» patent byurosida nafaqat MEQ brendini, balki bir qator indekslar liniyasini ro‘yxatdan o‘tkazgan — ular qatorida EQA, EQB, EQX nomlari bor. Bundan tashqari nemislar markasi «EQ Inside», «EQ Boost» va «Generation MEQ» reklama shiorlarini patentlagan.

Nashr ma'lumotiga ko‘ra, «Mersedes» subbrendi BMW o‘zining «i» elektrokarlari uchun yaratgan subbrendidan kuchli bo‘lishi rejalashtirilgan. Hozirda BMW eko-modellari liniyasida i3 elektr xetchbeki va i8 sport gibridi kupesini ishlab chiqarmoqda.

Mercedes-Benz kompaniyasining MEQ markasi ostidagi ilk avtomobili EQS sedani bo‘ladi —  Tesla Model S rusumiga raqobatchi sifatida. Uni 2017 yil boshida taqdim etish rejalashtirilgan. Lekin bu avtomobilning sotuvga chiqishi 2019 yildan oldin kutilmaydi. 2018 yil Parij avtosalonida yana bir elektr krossover taqdimot qilinadi — bu o‘rta o‘lchamdagi yo‘ltanlamas Tesla Model X va Audi Q6 e-tron avtomobillariga raqobatchilik qiladi. Uning seriyali versiyasi 2019 yildan keyin sotuvga chiqadi.

Ikki avtomobil ham EVA platformasida ishlab chiqariladi. Ularda C-Class va S-Class oilalari uchun qo‘llanadigan MRA model shassisining bir qator komponentlari qo‘llanadi.

Platformada kamida 4ta model tayyorlanadi: ikki krossover va ikki sedan. Bundan tashqari, Mercedes-Benz elektrotyagach (shatakchi) va Sprinter elektrofurgoni ishlab chiqarishni yo‘lga qo‘yishni mo‘ljallagan.

Yangi elektromobillarni ishlab chiqarish kompaniyaning Bremendagi zavodida yo‘lga qo‘yiladi. Elektromobillarning yo‘l zaxirasi 500 kilometrni tashkil etadi, tashqi qiyofasi esa kapotida uch qirra yulduzi bor rusumlardan sezilarli farq qiladi.