18:01 / 20.02.2018
29525

Kartoshka bojxona to‘lovlaridan ozod etildi

Foto: Fotolia

Prezident farmoni bilan 2019 yil 1 yanvarga qadar muddatga bojxona to‘lovlari to‘lashdan ozod qilinadigan (bojxona rasmiylashtiruvi uchun yig‘imlar bundan mustasno) oziq-ovqat mahsulotlari va xom ashyolarning ayrim turlari ro‘yxatiga qo‘shimcha kiritildi. Bu haqda Adliya vazirligining huquqiy axborot kanali xabar berdi.

Endilikda bu ro‘yxatga kartoshka, shu jumladan muzlatilgani ham kiritildi.

Eslatib o‘tamiz, 2018 yil 16 yanvardagi Farmonga asosan tirik yirik qoramol, tirik qo‘y va echkilar, yirik qoramol go‘shti, qo‘y yoki echki go‘shti, soya loviyasi, kungaboqar urug‘i, kunjut urug‘i shakarqamish yoki lavlagi shakari va kimyoviy toza saxaroza bojxona to‘lovlari to‘lashdan ozod qilingan edi.

Mavzuga oid
Top