Odil Ahmedov «Krasnodar» g‘alabasiga hissa qo‘shdi
![](http://storage.kun.uz/source/1/FjLqvjf6-p36WHvjEIkSeulOhpsC0yr1.jpg)
Rossiya chempionatining 14-turidan o‘rin olgan uchrashuvda «Krasnodar» Yekaterinburgning «Ural» jamoasini o‘z uyida qabul qilib yirik hisobda g‘alaba qozondi.
Uchrashuvning dastlabki bo‘limida mezbonlar raqib darvozasiga yo‘l topa olishmadi. Ikkinchi bo‘limda jamoaning asosiy futbolchilari Fyodor Smolov va Odil Ahmedovlar zaxiradan maydonga tushirilgach, Igor Shalimov shogirdlari 8 daqiqa ichida uch bor raqib darvozasini ishg‘ol qilishga muvaffaq bo‘ldi va yirik hisobda g‘alaba qozondi.
Mezbonlar tomonidan kiritilgan golga O‘zbekiston terma jamoasi sardori hammualliflik qildi. Ahmedov birgina to‘p uzatish bilan Joaozinoni darvozabon bilan birga-bir vaziyatga olib chiqdi va braziliyalik futbolchi bu imkoniyatdan unumli foydalanib yirik hisobni ta'minladi.
Ushbu g‘alabadan keyin «Krasnodar» hisobidagi ochkolar soni 24taga yetdi va jamoa 5-o‘ringa muqim joylashib oldi. Peshqadam «Spartak» bilan oradagi farq 7 ochkoni tashkil qilmoqda. Biroq «Spartak» 14-tur o‘yinini endi o‘tkazadi va oradagi farq yana oshishi mumkin.
Rossiya chempionati
14-tur
Krasnodar – Ural 3:0 (0:0)
Gollar: Gazinskiy (66), Smolov (71), Joaozino (74).
Krasnodar: Kritsyuk, Naldo, Yendjyeychik, Kaleshin, Grankvist, Gazinskiy, Kabore, Bistrov (Odil Ahmedov, 61), Pereyra (Torbinskiy, 81), Joaozino, Ari (Smolov, 46).
Ural: Zabolotnyy, Dinga, Fontanello, Dantsev, Fidler, Podoksenov (Stavpets, 72), Chanturiya, Kulakov, Korobov (Pavlenko, 61), Lungu (Bugui, 86), Pavlyuchenko.
Manba: tribuna.uz
Mavzuga oid
![](https://storage.kun.uz/source/thumbnails/_medium/10/cYuldyBguolY2P4-35hXmzHLUAeO7h6V_medium.jpg)
13:19 / 27.04.2024
Krasnodar o‘lkasida NQZ dronlar hujumidan so‘ng zarar ko‘rdi
![](https://storage.kun.uz/source/thumbnails/_medium/10/tZxWyZCHatQYgms2P5eMMhEUWeoWbdqj_medium.jpg)
09:30 / 27.04.2024
Krasnodar o‘lkasiga dronlar hujum qildi
![](https://storage.kun.uz/source/thumbnails/_medium/10/rUt4Hknatu9OwK_ND4Ufq06Uem5mfPqa_medium.jpg)
12:16 / 14.12.2023
Urush boshidan beri yopib qo‘yilgan Krasnodar aeroporti ochilishi mumkin
![](https://storage.kun.uz/source/thumbnails/_medium/8/rHoWCdTHEk9P5LNSNpJsMDLsnFbQ1Cxr_medium.jpg)
20:59 / 01.09.2022