Abituriyentlarga ruxsatnoma berish 1 avgustdan boshlanadi

Ruxsatnomalarni my.dtm.uz saytidagi shaxsiy kabinetdan yuklab olish mumkin.

Ruxsatnomada test topshirish sanasi, joyi va shu kabi muhim ma'lumotlar qayd etilgan bo‘ladi.

Eslatib o‘tamiz, imtihonlar 5 avgustdan boshlanib, ochiq stadionlar va xiyobonlarda o‘tkaziladi.

Pandemiya sababli test topshiriqlari soni 105 tadan 70 taga qisqartirildi. Buning uchun jami 3 soat vaqt ajratiladi.

Bu yil davlat OTMlarining bakalavriatida kunduzgi ta'limga 113 530 ta kvota ajratilgan.

37 675 abituriyent sirtqi ta'limga, 6 550 nafari kechki ta'limga qabul qilinadi. Magistratura kvotasi – 12 900 ta.

Filiallar va nodavlat OTMlarda davlat granti asosida kadrlar tayyorlash bo‘yicha 500 ta kvota ham bor.