Qoʻshimcha funksionallar
-
Tungi ko‘rinish
Dunyodagi eng katta raqamli kamerada ilk fotosurat olindi
Tasvirlar shu darajada ulkanki, ularni butun holatda ko‘rish uchun yuqori aniqlikdagi 378 dona 4K o‘lchamdagi teleekran kerak bo‘ladi.
Foto: Jacqueline Orrell/SLAC National Accelerator Laboratory
AQSh energetika vazirligining SLAC milliy tezlashtirish laboratoriyasi 3200 megapikselli ilk sinov tasvirlarini olishga muvaffaq bo‘ldi. Suratlar Chilida quriladigan observatoriyaga o‘rnatilishi mo‘ljallangan dunyodagi eng katta raqamli kamerada olindi.
Tasvirlar shu darajada ulkanki, ularni butun holatda ko‘rish uchun yuqori aniqlikdagi 378 dona 4K o‘lchamdagi teleekran kerak bo‘ladi, uning aniqlik imkoniyati 25 kilometr uzoqlikdagi golf koptogini ko‘rish imkonini beradi.
Kamera observatoriyaga o‘rnatilganidan so‘ng o‘n yil davomida osmon janubiy yarimsharining panorama suratlarini oladi.
Teleskopning tasvir datchiklari qurollanmagan ko‘z bilan ko‘rish mumkin bo‘lgan jismlardan 100 million marta xira jismlarni aniqlay oladi. Bunday sezgirlik bir necha ming kilometr uzoqlikdagi shamni ko‘rish imkonini beradi.
Kattaligi yo‘ltanlamas avtomobilga teng bo‘lgan kamera 2021 yil o‘rtalariga kelib yakuniy sinovlarga tayyor bo‘ladi.
Mavzuga oid
19:52 / 26.12.2024
“Avtobuslar uchun 100 ta kamera”: ular Toshkentda jamoat transportiga ajratilgan alohida yo‘lakdagi qoidabuzarliklarni qayd etadi
10:16 / 26.12.2023
Toshkentda kameralar avtobus yo‘laklarida to‘xtagan mashinalarga bir kunda 175 ta jarima qo‘lladi
10:28 / 02.12.2023
Toshkentda avtobuslar uchun ajratilgan yo‘laklardagi qoidabuzarliklarni kameralar qayd etishni boshladi
16:34 / 20.11.2023