Dars qoldirayotgan o‘quvchilarning xonadoniga «Ogohlantirish xati» yuboriladi
Farzandining maktabga borishiga befarq bo‘lgan ota-onalar MJtKning 47-moddasiga asosan jarimaga tortiladi.
![](https://storage.kun.uz/source/10/XemuaFtLXqs5Pe6bQZXj5ufIxpDRKF7E.jpg)
Foto: Kun.uz
Endi dars qoldirayotgan o‘quvchilarning xonadoniga “Ogohlantirish xati” yetkaziladi. Bu haqda O‘zA xabar bermoqda.
Maktabgacha va maktab ta’limi vazirligi, Milliy gvardiya hamkorligida maxsus Ishchi guruh tuzilgan hamda bu borada kelgusida amalga oshirilishi zarur bo‘lgan ishlar rejasi tuzib chiqilgan.
Ma’lum qilinishicha, respublikadagi barcha maktablarga ota-onalarga yuboriladigan “Ogohlantirish xati” namunalari yetkazilgan bo‘lib, bu orqali darsda ishtirok etmayotgan o‘quvchilar oila a’zolarining mas’uliyati va javobgarligi ham oshiriladi.
Endilikda maktab mas’ullari tomonidan shu namunadagi “Ogohlantirish xati” tezkor ravishda o‘quvchilarning yashash manzillariga yetkaziladi.
“Ogohlantirish xati”da ota-onalar o‘z farzandlarining maktabga borishini ta’minlash mas’uliyatini oshirish maqsadida MJtK 47-moddasi mazmun-mohiyati tushuntirib o‘tilgan. Mazkur vazifalarni amalga oshirish uchun har bir maktabga Milliy gvardiya ofitserlari biriktirilgan.
Qayd etilishicha, haftada kamida bir marta Milliy gvardiya, Maktabgacha va maktab ta’limi vazirligi vakillari ishtirokida bolalarning ma’naviyati, tarbiyasi va davomati bo‘yicha ota-onalar bilan uchrashuvlar o‘tkazish amaliyoti joriy etilmoqda.
Ma’lumot uchun, statistikaga ko‘ra, o‘tgan yili voyaga yetmaganlar tomonidan 3,5 mingta jinoyat sodir etilgan. Shundan 2 ming 280 nafarini maktab o‘quvchilari sodir etgan. Shu sababli mavjud muammolarga ijobiy yechim topish maqsadida maktablardagi inspektor-psixologlar shtati Ichki ishlar vazirligidan Milliy gvardiya tizimiga o‘tkazilishi belgilandi.
Mavzuga oid
![](https://storage.kun.uz/source/thumbnails/_medium/10/mSKZFY7qp_PLLzNzcQRqKvlJznJkDFUQ_medium.jpg)
14:38
Andijonda darsga kech kelgan qizlar jazo sifatida o‘tirib-turg‘azildi. Bu mumkin emas
![](https://storage.kun.uz/source/thumbnails/_medium/10/UKGlCv-wVpEiArPQ-ZuDkmCbW_Ym_elt_medium.jpg)
20:00 / 02.09.2024
Imomali Rahmon bolalar va o‘qituvchilarni o‘zini kutib olish tadbirlariga chaqirishni taqiqladi
![](https://storage.kun.uz/source/thumbnails/_medium/10/OP--qx0u82Im467D1UYx49YAhIvWAIiN_medium.jpg)
15:19 / 25.08.2024
Bola maktabga necha yoshdan chiqishi kerak va nega? - mutaxassislar fikri
![](https://storage.kun.uz/source/thumbnails/_medium/10/uXAmkoMG91Eu9j-rmU0sYsickxuf0BUf_medium.jpg)
20:44 / 16.08.2024