Samarqandda fuqarolarni AQShga noqonuniy yo‘llar bilan yuboruvchi jinoiy guruh a’zolari ushlandi

Samarqand viloyati IIB hamda DXX viloyat boshqarmasi xodimlari tomonidan tezkor tadbir o‘tkazilgan.

Unda, O‘zbekiston fuqarolarini aldov yo‘li bilan Turkiya va Lotin Amerikasi davlatlari orqali AQShga noqonuniy yuborish bilan shug‘ullanuvchi jinoiy guruh faoliyatiga chek qo‘yildi.

Samarqand tumanida yashovchi, 1982 yilda tug‘ilgan X.D. AQShda istiqomat qiluvchi jinoiy sherigi, 1978 yilda tug‘ilgan X.J. bilan o‘zaro jinoiy til biriktirib, mahalliy fuqaroni 40 000 AQSh dollari evaziga, aylanma yo‘llari orqali AQShga yuborishni va’da qilib, oldindan kelishilgan mablag‘ning 5 000 AQSh dollarini olgan vaqtida ashyoviy dalillar bilan ushlandi.

Hozirda yuqoridagi shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.