Shavkat Mirziyoyev bugun videoselektor yig‘ilishi o‘tkazadi

Bugun, 27 yanvar kuni, O‘zbekiston Respublikasi prezidenti Shavkat Mirziyoyevning ish rejasida videoselektor yig‘ilishi nazarda tutilgan. Bu haqda Kun.uz axborot manbasi xabar berdi.

Qayd etilishicha, markaziy masala yoshlar uchun ish o‘rinlari yaratish va ularning bo‘sh vaqtini mazmunli tashkil etish bo‘ladi.

Bundan tashqari, yigit-qizlarning biznes tashabbuslarini ro‘yobga chiqarish, subsidiyalar, imtiyozli kreditlar ajratish, kasb-hunarga o‘qitish, «Yoshlar daftari» orqali ko‘maklashish kabi davlat tomonidan qo‘llab-quvvatlash choralari belgilab beriladi.

Ma'lumot uchun, O‘zbekistonda 2021 yilga «Yoshlarni qo‘llab-quvvatlash va aholi salomatligini mustahkamlash yili» deb nom berildi.

#yig‘ilish #Shavkat Mirziyoyev