Buyuk Britaniyada mamlakatning eng kichik kuchugi aniqlandi

Mops zotiga mansub Pip laqabli kuchuk Buyuk Britaniyadagi eng kichik kuchuk sifatida qayd qilindi. Bu haqda The telegraph nashrida yozilgan.
Pip ayni vaqtda 4 oylik bo‘lib, uning vazni 600 gramm, bo‘yi esa 10 santimetrni tashkil etadi.
Kuchukchaning egasi 54 yoshli Joann Estli hisoblanadi. 2014 yilda u mops zotiga mansub itni boqib olgan edi va bu it 4 oy oldin bekasiga 4ta kuchukbola tug‘ib bergan.
O‘sha kuchukbolalardan biri bo‘lgan Pip boshqalaridan farqli ravishda o‘smay qolgan. Ayni vaqtda u boshqa kuchukbolalardan ikki barobar kichik bo‘lib qolmoqda. Estli xonim uni kichik sumkasiga solib yuradi.
Qayd qilinishicha, Pipning yashab qolishi uchun unga doimiy ravishda maxsus ichimlik berib turish talab qilinadi.