Oilalarda indikatorlar asosida zo‘ravonlikni erta aniqlash diagnostikasi ishlab chiqildi 

Qayd etilishicha, xotin-qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish bo‘yicha milliy dasturda belgilangan yo‘nalishlar bo‘yicha qator ishlar amalga oshirildi.

Xususan, “Farovon oila — kelajak poydevori” mavzusi doirasida 20 ta amaliy va 2 ta innovatsion loyiha amaliyotga tatbiq etildi.

Oilalarning baxtlilik darajasi 8 ta indikator va 21 ta subindikatordan tashkil  topgan integral indeks vositasida baholandi hamda respublikaning 14 ta hududiy birligida 3 054 ta oilaga tatbiq etildi.

Oilalarda indikatorlar asosida zo‘ravonlikni erta aniqlash diagnostikasi ishlab chiqildi.

Oilada bolalarning kreativlik qobiliyatini rivojlantirishni diagnostika qilish metodikasi va psixologik trening dasturi yaratildi.

O‘zbekiston Respublikasida oilalar demografik rivojlanishining qisqa va o‘rta muddatli demografik prognozlari ishlab chiqildi.