YouTube сервиси Ўзбекистонда узилишлар билан ишлай бошлади.
3 октябрдан 4 октябрга ўтар кечаси аввалига кириш билан боғлиқ муаммолар юзага келди, эрталабга яқин эса сайт очилиши бутунлай тўхтади.
3 октябрь куни бутун дунё бўйлаб Instagram ишида кузатилган носозликдан фарқли ўлароқ, бу сафар узилишлар фақатгина айрим мамлакатларда рўй бермоқда.
Downdetector маълумотларига кўра, эпицентрлардан бири Ўзбекистонда жойлашган.
VPN орқали ўзгартирилган локация билан YouTube очилмоқда ва ишламоқда.
Эслатиб ўтамиз, бундан аввалроқ Ўзбекистонда Facebook ижтимоий тармоғи ишида ҳам узилишлар кузатилганди. Мамлакат ҳудудида деярли 3-4 ҳафта давомида Facebook’га фақат VPN орқали кириш мумкин эди. Ҳозирги пайтда ушбу ижтимоий тармоқ ишида деярли ҳеч қандай муаммолар кузатилмаяпти.
