Фото: nuz.uz
Ўзбекистон ва Тожикистон ўртасида 1992 йилда тўхтатиб қўйилган мунтазам автобус қатнови 15 май куни тикланди. Бу ҳақда Ўзбекистон Автомобиль транспорт агентлиги хабар бермоқда.
Тошкент-Хўжанд-Тошкент» йўналиши бўйича биринчи тақдимот рейси 15 май куни «Тошкент» автовокзалидан маҳаллий вақт билан соат 08:30да йўлга чиқди. Унда вазирликлар ва идоралар ҳамда ОАВ вакиллари, ишчи гуруҳ аъзолари бор.
Таъкидланишича, мамлакатлар ўртасидаги йўналиш масофаси 174 километрни ташкил қилади.
Май ойи бошида Ўзбекистон ва Қирғизистон ўртасида автобуслар ҳаракати тикланганди.
Январда эса Ўзбекистон ҳамда Қозоғистон ўртасида ҳам автобус қатнови тикланди.
