Гонгконгда автобус ва юк машинаси тўқнашиб кетиши оқибатида 53 киши турли даражада жароҳатлар олган. Standart газетасида хабар қилинишича, автобусда Жанубий Кореядан ва Хитойнинг Аньхой вилоятидан келган сайёҳлар кетишаётган бўлган.
Бу ҳодиса оролнинг жанубий қирғоқлари яқинида юз берган.
Маълум қилинишича, тор йўлда автобус ва юк машинаси ҳаракатланишда муаммога дуч келган.
Айни дамда жабрланувчиларга тиббий ёрдамлар кўрсатилган.
Полиция текширув олиб бормоқда. Ҳайдовчилардан бирига айблов қўйилиши мумкин.