Австрия пойтахти Венада “Евровидение” мусиқий танловининг биринчи яримфинали ўз ниҳоясига етди. Унинг натижаларига кўра 10та давлат вакиллари танлов финалига йўл олди.
Томошабинларнинг овоз бериш натижаларига кўра, финалга Арманистон, Албания, Руминия, Россия, Венгрия, Греция, Эстония, Грузия, Сербия ва Бельгия вакиллари ўтишди.
Нуфузли мусиқий танловнинг биринчи яримфинал доирасида Винер Штадтхалле аренаси саҳнасида 16 давлат – Албания, Арманистон, Беларусь, Бельгия, Дания, Эстония, Македония, Финляндия, Грузия, Греция, Венгрия, Молдова, Руминия, Россия, Сербия, Нидерландия вакиллари иштирок этишди.
Танловни Молдова номидан иштирок этаётган украин Эдуард Романюта очиб берди.
23 майда танловнинг финал босқичи бўлиб ўтади.