Польшанинг янги президенти Анжей Дуда украиналик ҳамкасби Пётр Порошенко билан учраша олмаслиги маълум бўлди.
Дуданинг мулозимларидан бири берган маълумотга кўра, Польшанинг янги президенти жуда банд бўлгани сабабли бу учрашувни бекор қилган. У ҳали ҳам Европарламент депутати бўлиб қолмоқда ва шу сабабли Европарламентнинг Брюсселдаги йиғилишига бориши эҳтимоли мавжуд.
Аввалроқ Дуда билан Порошенко 27 майда учрашиши маълум қилинганди ва бу Дуданинг президент лавозимини эгаллагандан кейинги биринчи халқаро учрашуви бўлиши айтилганди. Энди Порошенко Польшага сафари давомида ўз лавозимидан кетаётган, эндиликда собиқ президент ҳисобланадиган Бронислав Коморовский билан учрашади.