Форс Кўрфазида жойлашган араб мамлакатлари ўртасида анъанавий тарзда ўтказиб келинадиган турнирда бу сафар Ўзбекистон терма жамоаси аъзоси Азиз Ҳайдаров тўп сурадиган “Аш-Шабаб” клуби ғолиб бўлди.
Февраль ойида бошланган ушбу мусобақа финали кеча, 27 май куни бўлиб ўтди.
Финалга Бирлашган Араб Амирликларининг “Аш-Шабаб” клуби билан бирга Уммоннинг “Ас-Сиб” жамоаси етиб келганди. Улар ўртасидаги финал учрашувининг асосий вақти 1:1 ҳисобидаги дуранг билан якунланди.
Ўйиндан кейин ғолибни аниқлаш учун амалга оширилган пеналтилар сериясида эса 5:4 ҳисобида БАА жамоаси устун келди.