Янцзи дарёсининг Хитой шарқидан ўтган қисмида йўловчи кема чўкиб кетди. Бу ҳақда ТАСС нашри хабар берган.
Хабарда айтилишича, Хубэй вилояти ҳудудида рўй берган ҳалокатда "Шарқ юлдузи" номли теплоход чўкиб кетган, кемада 440 нафардан ортиқ киши бўлган.
Маълум қилинишича, бу кема Нанкиндан Чунцинга кетаётган эди.
ОАВлар хабарига кўра, кемадагиларнинг 347 нафари хитойлик йўловчилар, 5 нафари туристик компания вакили ва 42 нафари экипаж аъзоси бўлган.
Айни вақтда ҳодиса юз берган ҳудудда қутқарувчилар иш олиб боришмоқда.